Archive for category: EHGAM Berri

𝗔𝗭𝗔𝗥𝗢𝗔𝗞 𝟮𝟱 – 𝗜𝗻𝗱𝗮𝗿𝗸𝗲𝗿𝗶𝗮 𝗺𝗮𝘁𝘅𝗶𝘀𝘁𝗮𝗿𝗲𝗻 𝗮𝘂𝗿𝗸𝗮𝗸𝗼 𝗲𝗴𝘂𝗻𝗮

Azaroaren 25ean, indarkeria matxistaren aurkako egunean, argi eta ozen esaten dugu: ez dugu gure gorputzen eta bizitzen kontrako inongo erasorik onartuko, ez kaleetan, ez etxeetan, ez harremanetan, ez giro politizatuetan, ez instituzioetan, ezta diskurtsoetan ere.

Indarkeria matxista sistema oso baten logika da, eta logika hori hausteko sareak behar dira. Izan ere, mugimendu transfeministak urteak daramatza hori egiten: elkarren zaintzan oinarritutako erresistentziak sortzen, komunitateak hauspotzen eta erasoen aurrean erantzun politikoak antolatzen.

Eta gaurko egunak, justuki, hori gogorarazten digu. Autodefentsa ez dela erreakzioa, praktika kolektibo bat baizik; antolaketa gure babesik eraginkorrena baita.

Zentzu horretan, Ehgam-en konpromisoa argia da. Aliantzak sendotu eta sareak zabaldu nahi ditugu; gure herrietako espazioak indarkeria matxistatik libre izan arte.

𝗦𝗔𝗥𝗘 𝗧𝗥𝗔𝗡𝗦𝗙𝗘𝗠𝗜𝗡𝗜𝗦𝗧𝗔𝗞 𝗜𝗡𝗗𝗔𝗥𝗧𝗨, 𝗔𝗨𝗧𝗢𝗗𝗘𝗙𝗘𝗡𝗧𝗦𝗔 𝗔𝗡𝗧𝗢𝗟𝗔𝗧𝗨!

Intersexualek ez dute beren izana “konpondu” behar, ez baitira kategoria esentzialista eta binarioetan sailkatu beharreko gorputz eta subjektuak. Intersexualek beren gorputzari buruz erabakitzeko eskubidea errespetatzea behar dute, behartutako esku-hartze medikorik gabe eta generoaren arau biopolitikoetan sartzeko inolako presiorik gabe. Hamarkadetan zehar, medikuntzak eta erakundeek interbentzio mediko goiztiarrak, diagnostiko patologizatzaileak eta lotsak edo sekretuak markatutako bizitzak inposatu dituzte. Horren aurrean, isiltasuna haustea zeregin kolektiboa da, sistemak sailkatu ezin dituen gorputzen beldur den kultura eraldatuz. Gorputz intersexualak ez direlako akats biologiko bat, erresistentziaren eta potentzialtasun subertsiboaren lurralde baizik.

𝗔𝗣𝗨𝗥 𝗗𝗘𝗭𝗔𝗚𝗨𝗡 𝗜𝗦𝗜𝗟𝗧𝗔𝗦𝗨𝗡 𝗠𝗘𝗗𝗜𝗞𝗢 𝗘𝗧𝗔 𝗦𝗢𝗭𝗜𝗔𝗟𝗔!

𝗠𝗨𝗧𝗜𝗟𝗔𝗭𝗜𝗢 𝗚𝗘𝗡𝗜𝗧𝗔𝗟 𝗜𝗡𝗧𝗘𝗥𝗦𝗘𝗫𝗘𝗜 𝗦𝗧𝗢𝗣!