Apirilak 6, Asexualitatearen Ikusgarritasunaren Nazioarteko Eguna
Asexualitatearen nazioarteko egunean, aldarrikatu nahi dugu asexualitatea ez dela ez fase bat, ez moda bat ezta zentzugabeko aldarri bat ere.
Kataluniako Asexualen Elkarteak iaz argitaratutako manifestuaren hitzok ekarri nahi ditugu gaurkoan:
โSistema kapitalista, patriarkal eta heteronormatibotik kanpo dagoen sexualitate eta afektuez hitz egin nahi dugu. Sistema horrek ez baitigu uzten erabakitzen gure gorputzaz eta gure desiraz. Zalantzan jartzen dugu sexua betebehar bat den sistema hau, non harremanak gorputzen kontsumoaren bidez egituratzen diren: lanerako kontsumitzen dira gorputzak, erreprodukziorako, besteen desirak asetzeko. Geure desiraren jabe izan nahi dugu, eta afektuak beste modu batean antolatu nahi ditugu, familia nuklearraren esparrutik harantzago zabaldu nahi ditugu zaintzak, baita baliabideak pribatizatu eta jendarte indibidualistak sortu nahi dituzten harreman-sistemetatik harantzago ere.
Derrigorrezko sexualitatearen aurka egiten dugu, mendeetan zehar gure gorputzaren eta desiraren gaineko autonomia galtzea eragin baitu. Zapalkuntza- eta jabetza-egiturak mantendu dituen amatonormatibitatearen aurka borrokatu nahi dugu. Sexualitate normatibotik harantzago dagoen desira aldarrikatzen dugu, hipersexualizaziotik eta desira normatibotik harantzago dauden gorputzak. Bizitza sostengatu nahi dugu desira normatiboaren esferatik harantzago, kapitalismotik harantzago.โ
Martxoak 31, Trans ikusgasrritasunaren Nazioarteko Eguna
Trans Ikusgarritasunaren Egunean gure amorrua kalera aterako dugu, gure gorputz eta bizitzek urte luzez pairatutako lege-hauste sistematikoak eta tratu diskriminatzaileak salatzeko. Gure zistema neoliberalek oraindik ere praktika patologizatzaileak mantentzen dituzte: ikusi besterik ez dago Osakidetzako Gurutzetako Genero Identitate Unitatean (GIU) ematen den egoera lotsagarria edota bitartasunetik haratago dauden gorputz eta bizitzen errekonozimendurik eza. GIUk urte luzez urratu ditu Estatuko Trans Legea (2023) zein bi lege autonomikoak (2019 eta 2024 urteetakoak). Gainera, bitartasunetik haratago kokatzen garen gorputzek bitartasuna performatu behar dugu gure bizitzak onartuak izan daitezen. Zistemak estuki sartu nahi gaitu eraikitako molde itogarrietan.
Horren aurrean, hemen gaude eta ez gara ezkutatzen. Gure gorputz eta esperientziak boteregune eta arrakala dira. Gure existentzia erresistentzia politikoa da. Gure gorputzak ospatzeko eskubidea, gure identitateak askatasunez eta agentziaz bizitzeko eskubidea eta gure komunitatean gozatzeko eskubidea aldarrikatzen ditugu. Bizirik gaude eta bizitza sortzen jarraituko dugu.
Harrotasuna berreskuratu! Gure Karrozak
Bilboko Udalak E28a (LGTBI+ Harrotasunaren Eguna) bere egin nahi du, kontraprogramatuz eta bertako taldeen aldarrikapenak isilaraziz.
Bilboko Udalari eskatzen diogu ez dezala joko zikinik egin eta ez dadila Harrotasuna merkantilizatzen saiatu.
KANPORA BILBAO BIZKAIA HARRO!
Bideoa ikusi hemen:ย Gure Karrozak
Berreskuratu Harrotasuna! manifestua sinatu hemen:
๐๐๐๐ก๐๐จ๐๐ ๐ญ – ๐๐๐ ๐ฒ๐๐ฎ ๐๐๐๐ฆ๐๐ฟ๐ฒ๐ป ๐ฎ๐๐ฟ๐ธ๐ฎ๐ธ๐ผ ๐ป๐ฎ๐๐ถ๐ผ๐ฎ๐ฟ๐๐ฒ๐ธ๐ผ ๐ฒ๐ด๐๐ป๐ฎ
Egun, tratamendu antirretrobiralari esker, milioika pertsonek biziraun dezakete.
Baina pertsona guztiek ez dute medikamentu horiek eskuratzeko aukerarik. Iaz, hain zuzen, GIBa zuten 9,2 milioi pertsona tratamendurik gabe zeuden.
40 urteren ondoren, birusa desagerrarazteko ikerketak motelegi egiten du aurrera. Erakundeek ez baitute beharrezko baliabiderik (ezta borondaterik ere) jarri benetan eskuragarria den sendabidea edo txertoa lortzeko. Bitartean, urtero ehunka mila pertsona hiltzen dira hiesarekin lotutako arrazoiengatik.
Gainera, oraindik ere badira oztopoak, estigmatizazioa, desberdintasunak, arreta mediko falta, isiltasuna…
Horregatik, Act Up (Aids Coalition To Unleash Power) talde mitikoaren leloa eta borroka-espiritua berreskuratuz, tratamendurako sarbide unibertsala, desberdintasun ororen amaiera eta pertsona seropositibo guztientzako bizitza duinerako eskubidea eskatzen ditugu.
Azkenik, GIB/HIESaren erruz utzi gaituzten guztien memoria ohoratu nahi dugu, baita horiek zaindu eta lagundu dituzten pertsona guztiena ere.
๐๐ฆ๐๐๐ง๐๐ฆ๐จ๐ก๐ = ๐๐๐ฅ๐๐ข๐ง๐ญ๐
๐๐๐๐ก๐ง๐ญ๐ = ๐๐๐ญ๐๐ง๐ญ๐
๐๐ญ๐๐ฅ๐ข๐๐ ๐ฎ๐ฑ – ๐๐ป๐ฑ๐ฎ๐ฟ๐ธ๐ฒ๐ฟ๐ถ๐ฎ ๐บ๐ฎ๐๐ ๐ถ๐๐๐ฎ๐ฟ๐ฒ๐ป ๐ฎ๐๐ฟ๐ธ๐ฎ๐ธ๐ผ ๐ฒ๐ด๐๐ป๐ฎ
Azaroaren 25ean, indarkeria matxistaren aurkako egunean, argi eta ozen esaten dugu: ez dugu gure gorputzen eta bizitzen kontrako inongo erasorik onartuko, ez kaleetan, ez etxeetan, ez harremanetan, ez giro politizatuetan, ez instituzioetan, ezta diskurtsoetan ere.
Indarkeria matxista sistema oso baten logika da, eta logika hori hausteko sareak behar dira. Izan ere, mugimendu transfeministak urteak daramatza hori egiten: elkarren zaintzan oinarritutako erresistentziak sortzen, komunitateak hauspotzen eta erasoen aurrean erantzun politikoak antolatzen.
Eta gaurko egunak, justuki, hori gogorarazten digu. Autodefentsa ez dela erreakzioa, praktika kolektibo bat baizik; antolaketa gure babesik eraginkorrena baita.
Zentzu horretan, Ehgam-en konpromisoa argia da. Aliantzak sendotu eta sareak zabaldu nahi ditugu; gure herrietako espazioak indarkeria matxistatik libre izan arte.
๐ฆ๐๐ฅ๐ ๐ง๐ฅ๐๐ก๐ฆ๐๐๐ ๐๐ก๐๐ฆ๐ง๐๐ ๐๐ก๐๐๐ฅ๐ง๐จ, ๐๐จ๐ง๐ข๐๐๐๐๐ก๐ง๐ฆ๐ ๐๐ก๐ง๐ข๐๐๐ง๐จ!
“La muerte de Mikel” eta “Inkognita” pelikulen emanaldia KATAKRAKen, Ehgamen eskutik
Este viernes 21 tenemos la oportunidad de ver en Katakrak el dokumental Inkognita. Participaremos varias personas de Ehgam.
Sinopsis: en 1979 un guardia civil matรณ a una transformista llamada Francis en un bar de Renterรญa. Aรฑos mรกs tarde una persona joven y queer conoce esta historia y decide escribirle una carta a Francis donde su historia converge con la de ella.
19:00. KATAKRAK. IRUรEA