Elkarretaratzera deitu dute Algortan, eraso homofobo bat salatzeko

20:00etan elkartuko dira, Telletxe plazan.

Kitzikan elkarteak eman du erasoaren berri. Jakinarazi duenez, Algortako taberna batean jazo zen, eta zaurien ondorioz erietxeratu egin zuten biktima.

Gertatutakoa salatzeko, 20:00etarako elkarretaratzea antolatu du elkarteak. Uribe Kostako Ernai, Algortako Bilgune Feminista, Eratu, EHGAM, Jai eta Xerinola, Uribe Kostako Ikasle Abertzaleak, Sare Lesbianista, Bizigay, Lumatza, Haziak, 7menos20 eta Sare Antifaxistak egin dute bat deialdiarekin.