Gaur, ekainak 28, EHGAMek bere Urrezko Hirukia eta Trapuzko Espartina sariak eman ditu
Dagoeneko tradizioa da ekainaren 28etan EHGAMek Urrezko Hirukia eta Trapuzko Espartina ematea. Ekimen honen helburua da aniztasuna berdintasunean kontzeptuaren alde nolabait lagundu duten pertsonak, elkarte edo erakundeak saritzea, alde batetik; eta, bestetik, LGBT+ eskubideak zapaldu edo mespretxatu dituztenak agerian utzi eta, sinbolikoki bada ere, zigortzea.
Aurtengo saridunak:
URREZKO HIRUKIA 2019 :
PAU SARRATE aktorea, Il Circo Italianoan Paute pailazoaren rola betetzen duena, ume eta nagusiei zuzenduriko bere pistako zereginean dibertsitatea ikusarazi eta berdintasuna eta inklusibotasuna zertzen saiatuz egiten duen ekarpenagatik.
AIPAMEN BEREZIA
Aipamen berezia egiten diegu Nafarroako Gobernuari eta zenbait udali azken lau urteotan aniztasunean berdintasuneranzko bidean eman dituzten urratsengatik, hala nola Kattalingune eta Harrotu zerbitzuak sortu, LGTBI+ Berdintasun Sozialerako Legea onartu…, eta batez ere Skolae programagatik.
ZORIONTZEA
Zoriondu nahi dugu, era berean,borrokakide izan dugun eta dugun Aitzole Araneta, guk dakigula Euskal Herriko lehen ageriko zinegotzi transexuala izateagatik.
TRAPUZKO ESPARTINA 2019 :
ANA BELTRAN PPko diputatua eta orain gutxi arte Nafarroako Legebiltzarkidea izan dena, askotarikotasuna barregarri uzteko ahaleginez otsailean egin zituen zorigaiztoko adierazpenengatik.
Taxugabeko eta gaitzesgarritzat jo zuen Hezkuntzako inkesta bat ikasleei eskatzen zitzaielako “neska”, “mutila” edo “beste aukera batzuk” artean hautatzeko, eta neska edo mutil gisa identifikatzen ez direnez trufatu egin zen, isekatsu galdetuz zein ote zen beste aukera hori: “txakurra, katua, ornitorrinkoa, arraina…”.
Beragan
pertsonalizatzen dugu Espartina; baina “saria” eskuin guztientzat da, bereziki
azken hamarkadatan lortutakoa indargabetzen amorru biziz ahalegintzen direnei.
Aurreko Urrezko Hirukiak:
-Mikel Markez, Maialen Lujanbio, Joxe Mari Irazu eta Doctor Deseo
-Gayles taldeen boluntarioak
-Gaztegin (EGIN egunkari itxiaren gehigarria)
-2001 Julia Martínez, ama
-2002 Hiesaren kontrako elkarteetako boluntarioak
-2003 Kontxi Bilbao (EB), Jone Goirizelaia (SA), Onintza Lasa(EA), Elixabete Piñol(EAJ) eta Gemma Zabaleta(PSE-EE)
-2004 Igna Babel eta frankismoaren bestelako biktima guztiak
-2005 Lesbiana feministen kolektiboak
-2006 Aitor Arana
-2007 Francisco letamendia “Ortzi”
-2008 RaulL López Romo
-2009 Laura Bugalho
-2010 80 egunean pelikula,
-2011 Txalaparta Argitaletxea
-2012 Athletic Club
-2013 Arartekoaren erakundea
-2014 Goenkale eta Mikel Rueda (A escondidas)
-2015 LAB eta STEILAS sindikatuak
-2016 Iker Ortiz de Zarate, Javier Liñera eta Jon Koldo Vázquez aktoreak-
-2017 CHRYSALLIS ume transexualen senideen elkartea
-2018 DIMENSIÓN publizitate-agentzia
Aurreko Trapuzko Espartinak:
-Pilar Urbano
-Jesús Cardenal
-Elias Yanes, Fernando Sebastian eta beste apezpiku batzuk
-2001 Eusko Legebiltzarra
-2002 Chenoa
-2003 Hegoaldeko Apezpikuak
-2004 PP-UPN
-2005 Aquilino Polaino eta CGPJ
-2006 Antonio Alonso, Laura Alabau, Mª Luisa Miranda eta Francisco Javier García epaileak
-2007 Europride
-2008 NU-WRESTLING EVOLUTION Pressing Catch borrokaldien enpresa antolatzailea
-2009 Arantza Quiroga
-2010 Bilboko Udala (Espazio Publikoaren Erabilera Arautzeko Ordenantza).
-2011 Nafarroako Unibertsitatea Genero-Ideologia
Nazioarteko I Kongresua
-2012 Jose Ignacio Wert
–2013 EUSKO JAURLARITZA, Hezkuntza-Saila
-2014 Correo eta Diario Vasco
-2015 Bilboko Udala (Espazio Publikorako Ordenantza)
-2016 Hutsik
-2017 HAZTE OÍR elkartea
-2018 Judikatura (La Manadako epaileak eta Adingabekoen Fiskalia) eta Eliza (Munilla)